Nazir Sahil Babayev ÜST nümayəndələri ilə görüşüb

Nazir Sahil Babayev ÜST nümayəndələri ilə görüş zamanı bildirib: “İlham Əliyevin əlilliyi olan şəxslərə qayğısı həmin insanların reabilitasiya vasitələri ilə təminetmə sisteminin də gücləndirməsinə səbəb olub. Bu vasitələrin növlərinin sayı ötən il daha da artıb. Siyahıya iyirmi üç yeni növ daxil edilib. Hal-hazırda əlilliyi olan insanlar altmış növ reabilitasiya vasitələri ilə təmin edilirlər”.

ÜST-lə görüş zamanı Areabilitasiya vasitələri ilə təminat sisteminin gücləndirilməsi ilə bağlı əməkdaşlıq layihəsinin təqdimatı baş tutub.

Nazir Sahil Babayev Azərbaycanda reabilitasiya sisteminin inkişafı ilə bağlı işlərini, öncəki il daha altı bölgədə müasir reabilitasiya müəssisələrinin açıldığını, eyni zamanda yeni dörd müəssisənin də açılacağını söyləyib. 2021-ci ilin axırında bu tip müəssisələrin sayının otuzdan çox olacağını deyib.

Nazir Sahil Babayev ölkəmizdə reabilitasiya vasitələri ilə təminat üzrə işlərin gücləndirilməsi ilə bağlı əməkdaşlığı nəzərdə tutan yeni layihənin də önəmindən bəhs edib.

Ümumdünya Səhiyyə Təşkilatının Azərbaycan üzrə nümayəndəliyinin rəhbəri Hande Harmancı isə deyib ki, 2021-ci ili əhatə edən layihə çərçivəsində reabilitasiya vasitələrinə ehtiyaclar təyin ediləcək və reabilitasiya vasitələrin növlərinin siyahısının böyüdülməsi üçün təkliflər veriləcək.