Bill Gates kimdir?

Bill Gates innovasiya, biznes və xeyriyyəçiliklə əlaqəli bir addır. Bu adamın proqramçı olmaq arzusundan dünyanın ən zəngin və güclü insanlarından birinə çevrilməsi kompüter sənayesində və qlobal sərvətdə silinməz iz buraxdı.

Bill Gatesin həyatı və təhsili

Bill Gates 28 Oktyabr 1955-ci ildə ABŞ-da anadan olub.Atası məşhur hüquqşünas idi, anası isə məktəbdə dərs deyirdi, xeyriyyəçiliklə məşğul olurdu və yerli universitetin idarə heyətinin üzvü idi.

Bill Qeyts Seattledakı Lakeside School özəl məktəbində oxudu və burada kompüterlərə və proqramlaşdırmaya maraq göstərməyə başladı. Artıq gənc yaşlarında informasiya texnologiyaları sahəsində öz potensialını nümayiş etdirib. Məktəbi bitirdikdən sonra Bill Harvard Universiteti daxil oldu. Tədris illərində proqramlaşdırma və informatika sahəsində bilikləri dərinləşdirməyə davam etdi.

Harvarddakı ikinci ilində Qeyts Pol Allen ilə öz şirkətini qurmaq üçün təhsilini yarımçıq qoymağa qərar verdi. Bu qərar Microsoft-un yaradılmasına səbəb oldu.

Bill Gates və Microsoft

Bir şirkətin kompüterini təmənnasız istifadə edə bilmək üçün məktəb yoldaşı Paul Allen ilə birlikdə istifadəçilər üçün proqram səhvlərini axtarıb tapırdılar. Beləliklə kompüter sahəsində ixtisaslaşan tələbələr 1972-ci ildə ilk Traf-O-Data adlı şirkət qurdular. Bu şirkət küçə hərəkətinin nizamlanması üçün proqramlar yazırdı və qısa müddət ərzində onlara 20.000 dollar mənfəət qazandırdı.

Daha sonra isə Gates təhsilini yarıda qoyaraq Allen ilə birlikdə New Mexikoda MİCROSOFT şirkətini qurdu. Əvvəlcə Microsoft üçün işlər o qədər də yaxşı getmədi, lakin Geyts təslim olmadı və həmişəki əzmkarlığı ilə işləyirdi.

Gates Seattle Computer Products (SCP) şirkətindən 50.000 dollar müqabilində DOS əməliyyat sistemini aldı və SCP’de DOS proqramçılarından biri olan Tim Patersonu heyətinə daxil etdi. DOS əməliyyat sistemini özəlləşdirərək MS-DOS adını verdilər.

1985-ci ildə Windowsu bazara çıxardılar və üç il sonra ciddi uğur qazandılar.

Bill Gatesin şəxsi həyatı

Son illərdə Bill Gates sərvəti, bahalı evi, etdiyi xeyriyyə yardımları ilə gündəmə gəlir. Bill Gates texnologiya sənayesindəki təsirindən əlavə, tanınmış bir xeyriyyəçiyə çevrildi. 2000-ci ildə o, keçmiş həyat yoldaşı Melinda ilə birlikdə inkişaf etməkdə olan ölkələrdə yoxsulluq, aclıq və xəstəliklərlə mübarizəyə həsr olunmuş “Bill və Melinda Qeyts Fondunu” təsis etdi. Onların səyləri milyonlarla insanın həyatını xilas etməyə və dünyada milyardlarla insanın həyatını yaxşılaşdırmağa kömək etdi.

Onun iş həyatı qədər şəxsi həyatı da maraqlıdır. Evinin böyüklüyü 5000 metr kvadratdır və otağında məşhur rəssam Da Vinçinin əl yazma kitablarını saxlayır. Hazırda dünyanın ən varlı insanı olan Bill Gates saniyədə 250 $ qazanır.

Gustav Klimt haqqında buradan oxuya bilərsiniz.