Siyasətçi

Sahil Babayev kimdir?

Sahil Babayev kimdir? sualına cavab, eyni zamanda Sahil Babayevin təhsil və fəaliyyəti haqqında məlumatlarla tanış ola bilərsiniz:

Sahil Babayev haralidir?

Sahil Babayev dogum tarixi 1980-ci ildir. O, Bakı şəhərində anadan olub.

Sahil Babayev təhsili

2000-ci ildə Bakı Dövlət Universitetində “Beynəlxalq hüquq və beynəlxlaq münasibətlər” ixtisası üzrə bakalavr təhsili alıb. 2002-ci ildə isə magistr dərəcəsi qazanıb və hüquq üzrə fəlsəfə doktorudur.

BDU-nin Beynəlxalq hüquq kafedrasının müəllimi, Azərbaycan Diplomatik Akademiyasında müxtəlif mövzulara dair mühazirəçi kimi iştirak edib. Bir sıra ölkələrdə, o cümlədən Fransa, İngiltərədə beynəlxalq hüquq və müqavilə hüququ sahəsində bir sıra təlim və kurslarda olub.

Bakı Dövlət Universitetinin (BDU) Hüquq fakültəsində “Kommersiya hüququ” dövlət imtahan komissiyasının da sədri vəzifəsində çalışır.

Bir neçə – ingilis, rus, türk və fransız dillərində danışa bilir.

Sahil Babayev fəaliyyəti

1999-2006-cı illər ərzində Azərbaycan Respublikası Dövlət Neft Şirkətinin Xarici Sərmayələr İdarəsinin baş mütəxəssisi və şöbə rəisi vəzifələrində çalışıb.

2006-2009-cu illərdə isə Azərbaycan Respublikası Milli Məclisinin sədr müavininin köməkçisi kimi çalışıb.

2009-cu ildən İqtisadi İnkişaf Nazirliyinin Xarici investisiyalar və yardımların əlaqələndirilməsi şöbəsinin müdiri kimi, 2011-ci ildən isə Beynəlxalq təşkilatlarla əməkdaşlıq şöbəsinin müdiri olub.

2009-2014-cü illər ərzində “Təmiz Şəhər” ASC-də Müşahidə Şurasının sədri olub. Avropa İttifaqı – Azərbaycan ticarət və iqtisadiyyat alt-komitəsinin həmsədri, eyni zamanda Avropa İttifaqı Yardım Alətləri üzrə Proqram İdarəetmə Qurumunun rəhbəri kimi çalışıb. Bununla yanaşı “SOCAR Türkiyə Ege” Komleksinin Star layihəsi üzrə Direktorlar Şurasının üzvü olub.

Sahil Babayev nazir təyin olundu

Azərbaycan Respublikası Prezidentinin 13 mart 2014-cü il tarixli Sərəncamı əsasında Azərbaycan Respublikası iqtisadiyyat və sənaye nazirinin müavini, 30 yanvar 2016-cı il tarixli Sərəncamı ilə Azərbaycan Respublikasının iqtisadiyyat nazirinin müavini vəzifəsində çalışıb.

2018-ci ildə ölkə başçısı prezident İlham Əliyevin sərəncamına əsasən Sahil Babayev nazir təyin olundu. Əmək və Əhalinin Sosial müdafiəsi naziri vəzifəsinə təyin olunan Sahil Babayev əhalinin məşğulluğu, əmək miqrasiyası və peşə standartları üzrə qanunvericiliyin təkmilləşdirilməsi, eyni zamanda bu istiqamətlərdə dövlət və qeydi-dövlər sektorlarında metodiki izahat işlərini davam etdirmişdir.

Sahil Babayev nazir təyin olunduqdan sonra sosial sahədə aparılan tədbirlər daha da genişləndirildi. Bu sahədə mühüm istiqamətlərdən biri də şəhidlərimizin ailə üzvlərinin, qazilərin və onların yaxınlarının məşğulluq tədbirlərinə cəlb olunmasıdır. Sahil Babayev erməni terroruna məruz qalan 2,1 minədək şəhid ailəsi üzvünün, 3,3 minədək qazi və onların yaxınlarının 2021-ci ilin ilk rübündə məşğulluq tədbirlərinə cəlb olunduğunu mövzuyla bağlı keçirilən kollegiya iclasında açıqlayıb.

Nazir Sahil Babayev bu istiqamətdə səylərin daha da artırıldığını və şəhidlərimizin ailə üzvlərinin, qazilərin və onların yaxınlarının məşğulluq məsələlərinin həlli istiqamətində işəgötürənlərlə də fəal əməkdaşlıq edildiyini bildirib.

Sahil Babayev qebul gunu və saatı

Sahil Babayev qebul gunu və qebul saatı – Çərşənbə axşamı – 11:00; 13:00

Sahil Babayev qebul zamanı Əmək və Əhalinin Sosial Müdafiəsi nazirliyinin fəaliyyət istiqamətləri üzrə bütün məsələlərlə bağlı müzakirələr etmək mümkündür.

Mənbə: sosial.gov.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button